हरदी बाजार मं जोहार छत्तीसगढ़ पार्टी अउ छत्तीसगढ़िया क्रांति सेना के ऐतिहासिक बैठक।

महावीर यादव की रिपोर्ट हरदी बाजार मं जोहार छत्तीसगढ़ पार्टी अउ छत्तीसगढ़िया क्रांति सेना के ऐतिहासिक बैठक।

छत्तीसगढ़/कोरबा आज दिनांक 12/10/2025 के संझा 5 बजे, ग्राम हरदी बाजार मं जोहार छत्तीसगढ़ पार्टी अउ छत्तीसगढ़िया क्रांति सेना के संयुक्त बैठक रखे गे रहिस।
बैठक मं गांव के किसान, मजदूर, नवजवान अउ महिलामन जोश भरके शामिल होइन।

बैठक मं सब्बो संगवारी मन एक मन होके जोहार छत्तीसगढ़ पार्टी के रीति-नीति अउ छत्तीसगढ़िया अस्मिता के बात ले प्रभावित होइन, अउ पार्टी के सदस्यता लिए।

एही बैठक मं जोहार छत्तीसगढ़ पार्टी हरदी बाजार पार कमेटी के गठन करे गीन

पार अध्यक्ष: भरत चौहान

पार उपाध्यक्ष: खिलेश्वर पटेल

पार सचिव: आकाश पटेल

बैठक मं मुख्य अतिथि के रूप मं
जोहार छत्तीसगढ़ पार्टी दीपका खड़ के अध्यक्ष नोभीत साहू अउ महासचिव महावीर यादव उपस्थिति रहिन।

नोभीत साहू अउ महावीर यादव मन अपन जोशीला संबोधन मं कहिन –

“अब समय आ गे हवय कि छत्तीसगढ़ मं एक निमगा छत्तीसगढ़ियावादी सरकार बने — जिहां ग्राम पंच से लेके मुख्यमंत्री तक अउ ग्राम सचिव से लेके मुख्य सचिव तक सब्बो पद मं अपन छत्तीसगढ़ के बेटा-बेटी मन ला देखना चाहत हन। अब दूसर के भरोसे नई, अपन धरती, अपन शासन, अपन अस्मिता के राज बने।”

बैठक के अंत मं सब्बो संगवारी मन “जय जोहार – जय छत्तीसगढ़” के गूंज मं अपन संकल्प लेके बैठक समाप्त करीन, अउ कसम खाइन कि अब हर गांव, हर गली मं छत्तीसगढ़िया स्वाभिमान के डंका बाजही।